---

 

"Theatre, Arts and Dance: An Exciting Way To Cross Borders" - Bern, Sviss 25. júlí - 11. ágúst 2013

Umsóknarfrestur: Til miðnættis mánudaginn 27. maí 2013

Þema og markmið: Þessi ungmennaskipti eru samstarfsverkefni samtakanna Junge Bühne Bern og Service Civil International (SCI). Þátttakendur munu aðstoða og ver virkir þátttakendur í leiklistarverkefni fyrir börn flóttamanna í Bern þar sem þau eru leidd saman við þýskumælandi börn í borginni. Markmið verkefnisins er að stuðla að jákvæðum samskiptum milli barnanna og aðstoða þau við leggja grundvöll að vináttu þar sem bæði geta lært af hvort öðru. Leiklistarverkefninu einnig er ætlað að stuðla að bættri þýskukunnáttu meðal barna flóttamanna og notar til þess blöndu af spunaleikritum, dansi og leikjum.

Þátttakendur munu fá kynningu á málefnum tengdum fólksflutningum, spunaleikritum og skapandi starfi með börnum. Þeir munu skipuleggja verkefni fyrir börnin í samstarfi við leikhúsfræðing og kynna verkefnið fyrir 24 börnum á aldrinum 9-16 ára. Á meðan leiklistarverkefninu stendur munu þátttakendur aðstoða börnin við að komast til og frá verkefninu og líta eftir þeim í hléum auk þess að taka virkan þátt í verkefninu með þeim. Við lok verkefnisins verður staðið fyrir sýningu þar sem börn og þátttakendur munu sýna afrakstur verkefnisins.

Nánari upplýsingar um Junge Bühne Bern og myndir frá fyrri verkefnum.

Skilyrði til þátttöku: Umsækjendur verða á vera á aldrinum 18-30 ára og hafa gott vald á talaðri þýsku. Umsækjendur gætu verið beðnir um að eiga Skype fund með skipuleggjendum verkefnisins til að staðfesta þekkingu þeirra á tungumálinu.

Þátttökulönd auk Íslands: Búlgaría, Finnland, Þýskaland, Ítalía, Moldóva, Pólland, Serbía, Spánn og Úkraína.

Aðstaða: Þátttakendum verður raðað niður í herbergi í húsnæði sem er staðsett í grennd við höfuðstöðvar Junge Bühne Bern. Athugið að einungis verður boðið upp á grænmetisfæði á meðan verkefninu stendur, þátttakendum er þó auðvitað frjálst að versla mat utan verkefnisins en bera sjálfir kostnað af þeim útgjöldum.

Kostnaður: SEEDS hefur hlotið styrk til verkefnisins frá Youth in Action áætlun Evrópusambandsins og sér um allan kostnað við fæði og húsnæði. Þátttakendur fá 90% ferðakostnaðar endurgreiddan, þó að hámarki 810 Evrum, þegar kvittunum, brottfararspjöldum og öðrum ferðagögnum hefur verið skilað eftir heimkomu.

Umsækjendur sem valdir verða til fararinnar greiða umsýslu og staðfestingargjald SEEDS sem er 30.000 kr. Gjaldið fæst ekki endurgreitt.

Hér er að finna nánari upplýsingar um ungmennaskiptin.

Hér er að finna umsóknareyðublað fyrir ungmennskipti.

Tekið er við umsóknum og fyrirspurnum á netfanginu [email protected]

 

---

 

"Young Farmers Point - Torre Pallavicina, Lombardy héraði, Ítalíu 21. - 29. júní 2013

Umsóknarfrestur: Til miðnættis mánudaginn 27. maí 2013

Þema og markmið: Þema þessara ungmennaskipta er landbúnaður og matvælaframleiðsla með nýsköpun, sjálfbærni og ábyrga framleiðslu að leiðarljósi. Þátttakendur munu kynna hvernig framleiðslu er háttað í sínum heimalöndum og eru hvattir til að koma með og kynna framleiðslu frá sínum eigin heimahögum auk þess sem öll þátttökulöndin munnu bjóða upp á sýnishorn af sínum þjóðlega mat.

Á meðan verkefninu stendur munu þátttakendur m.a. heimsækja unga bændur á svæðinu og kynnast nýsköpun meðal bændarsamfélagsins á svæðinu. Þeir munu einnig taka þátt í vinnustofu þar sem geta prófað sig áfram í matvælaframleiðslu auk þess sem þeir munu hitta forsvarsmenn ýmsra samtaka sem vinna á þessum vettvangi.

Skilyrði til þátttöku: Umsækjendur verða á vera á aldrinum 18-25 ára og hafa gott vald á talaðri ensku. Þessi ungmennaskipti eru sérstaklega ætluð þeim sem hafa áhuga á nýsköpun og vöruþróun, sem og tæknilegum framförum, á sviði landbúnaðar og matvælaframleiðslu. Þátttakendur munu fá tækifæri til að miðla eigin reynslu og læra af öðrum sem stefna að sömu markmiðum.

Þátttökulönd auk Íslands: Ítalía, Ungverjaland og Rúmenía.

Aðstaða: Þátttakendur munu gista á farfuglaheimilinu Molino di Basso sem staðsett er í garðinum Parco Oglio Nord í Torre Pallavacina. Torre Pallavacina er rúmlega 1.000 manna bær sem staðsettur er í Lombardy héraði Ítalíu. Bærinn er staðsettur um 50 km austur af Mílano og 30 km suðaustur af Bergamo.

Kostnaður: SEEDS hefur hlotið styrk til verkefnisins frá Youth in Action áætlun Evrópusambandsins og sér um allan kostnað við fæði og húsnæði. Þátttakendur fá 70% ferðakostnaðar endurgreiddan, þó að hámarki 500 evrum, þegar kvittunum, brottfararspjöldum og öðrum ferðagögnum hefur verið skilað eftir heimkomu.

Umsækjendur sem valdir verða til fararinnar greiða umsýslu og staðfestingargjald SEEDS sem er 20.000 kr. Gjaldið fæst ekki endurgreitt.

Hér er að finna nánari upplýsingar um ungmennaskiptin.

Hér er að finna umsóknareyðublað fyrir ungmennskipti.

Tekið er við umsóknum og fyrirspurnum á netfanginu [email protected]

 

---

 

"Mafia is a mountain of Shit: 100 steps of volunteering" - Cinisi, Sikiley, Ítaliu 29. júní - 9th. júlí 2013

Umsóknarfrestur: Til miðnættis mánudaginn 3. júní

Þema og markmið: Í þessum ungmennaskiptum munu þátttakendur ferðast til Sikileyjar sem lengi hefur haft þann vafasama heiður að vera fæðingarstaður mafíunnar og skipulagðrar glæpastarfsemi á Ítalíu. Þátttakendur munu fræðast um sögu mafíunnar á Sikiley og þá einstaklinga og samtök sem hafa háð baráttu gegn mafíunni og hennar starfsemi. Sérstök áhersla verður lögð á baráttumanninn Peppino Impastato, ungann baráttumann sem var myrtur árið 1978 í Cinisi en hann hefur orðið tákngerfingur fyrir þá hugrökku einstaklinga sem þora að berjast fyrir því sem þeir telja rétt, meðvitaðir um þá persónulegu áhættu sem þeir taka.

Markmið ungmennaskiptanna er að fræðast um virkan borgararétt, þ.e. hvað einstaklingurinn getur gert til að hafa áhrif í samfélagi sínu, m.a. til berjast gegn óréttlæti eða öðrum málefnum sem hann snerta.

Skilyrði til þátttöku: Umsækjendur þurfa að vera á aldrinum 18-25 ára við upphaf verkefnis og hafa gott vald á talaðri ensku. Leitað er eftir þátttakendum sem hafa áhuga á ljósmyndum en þátttakendur munu m.a. vinna saman að ljósmyndaverkefni sem tengist þema verkefnisins og standa fyrir sýningu á verkum sínum undir lok ungmennaskiptanna.

Athugið að við leitum að hópstjóra fyrir þessi ungmennaskipti! Hópstjóri getur verið á aldrinum 20 - 30 og æskilegt er að hafa einhverja reynslu af ungmennskiptum eða þeim málefnum sem verða tekin fyrir í ungmennaskiptunum. Þeir sem hafa áhuga á að vera hópstjórar eru vinsamlegast beðnir um að senda inn umsókn við fyrsta tækifæri þar sem áætlað er að hópstjórar alla landanna muni fara í undirbúningsheimsókn til Sikileyjar 4. - 6. júní næstkomandi.

Hópstjórar munu fá 100% af ferðakostnaði vegna undirbúningsheimsóknar endurgreiddan.

Þátttökulönd auk Íslands: Eistland, Finnland, Ítalía og Portúgal.

Aðstaða: Verkefnið mun fara fram í strandbænum Cinisi. Þátttakendur munu gista í svefnpokaplássum.

Kostnaður: SEEDS hefur hlotið styrk til verkefnisins frá Youth in Action áætlun Evrópusambandsins og sér um allan kostnað við fæði og húsnæði. Þátttakendur fá 70% ferðakostnaðar endurgreiddan, þó að hámarki 770 evrum, þegar kvittunum, brottfararspjöldum og öðrum ferðagögnum hefur verið skilað eftir heimkomu.

Umsækjendur sem valdir verða til fararinnar greiða umsýslu og staðfestingargjald SEEDS sem er 20.000 kr. Gjaldið fæst ekki endurgreitt.

Hér er að finna umsóknareyðublað fyrir ungmennskipti.

Tekið er við umsóknum og fyrirspurnum á netfanginu [email protected]

 

---

Verkefni sem SEEDS hefur nú þegar tekið þátt í á þessu ári:

"Lead For A Reason" - Alcamo, Skiley, Ítalíu 17. - 23. apríl 2013

Umsóknarfrestur fyrir þetta verkefni er liðinn.

Þema á markmið: Á þessu námskeiði munu hópar frá mismunandi löndum koma saman og þróa leiðtogahæfileika sína. Þátttakendur munu m.a. taka þátt í umræðum, ýmsum verkfnum og fá þjálfun í að leysa vandamál sem geta komið upp í hópavinnu. Markmið námskeiðsins er að auka sjálfstraust þátttakenda og gera þá í stakk búna til að leiða verkefni, t.d. á vegum ungmennáætlunar Evrópusambandsins, og skipuleggja einnig verkefni í þágu samfélagsins í sínum eigin heimalöndum.

Skilyrði til þátttöku: Umsækjendur verða á vera á aldrinum 18-30 ára og hafa gott vald á talaðri ensku.

Þátttökulönd auk Íslands: Ítalía, Grikkland, Frakkland, Eistland, Króatía og Lúxemborg 

Aðstaða: Gist verður í svefnpokaplássum og þátttekendum verður raðað niður í herbergi.
Hitastig í Alcamo í apríl er um 17°C á daginn og 11°C á næturna. Þátttakendur ættu að taka með sér viðeigandi fatnað. Hægt er að finna upplýsingar fyrir ferðamenn á síðunni http://www.comune.alcamo.tp.it/. Ef þú talar ekki ítölsku þá mælum við með því að þú notfærir þér þýðingareiginleika Google Chrome.

Kostnaður: SEEDS hefur hlotið styrk til verkefnisins frá Youth in Action áætlun Evrópusambandsins og sér um allan kostnað við fæði og húsnæði. Þátttakendur fá 70% ferðakostnaðar endurgreiddan, þó að hámarki 500 evrum, þegar kvittunum, brottfararspjöldum og öðrum ferðagögnum hefur verið skilað eftir heimkomu.

Umsækjendur sem valdir verða til fararinnar greiða umsýslu og staðfestingargjald SEEDS sem er 20.000 kr. Gjaldið fæst ekki endurgreitt.

Hér er að finna umsóknareyðublað fyrir ungmennskipti.